AtelierS wird sesshaft

Am vergangene Wocheändi höi mer öisi Ladeeröffnig met ganz velne vo öich dörfe fiire. Danke velmol för öichi Bsüech, die wonderbare Gspröch ond dass der so Fröid am Lade ond a öisne Produkt höit. Mer si öberwältigt ond fröie öis ufd Zuekonft metem AtelierS ar Aarauerstrosse 98 in Olte.

Härzlechst Nicole & Susi

Liebi Onterstötzerinne ond Onterstötzer

Dank öich höi mer’s geschafft – öisi wemakeit-Kampagne esch erfolgrich abgschlosse ond mer höi öises Ziel ned nome erreicht, sondern sogar übertroffe: Insgesamt send 20’222 CHF zämecho!

Mer send öberwältigt vo dere grosse Unterstötzig ond möchte öis vo Härze för öiche Biitrag bedanke. Ohni öich wär dä Schritt ned mögli gsi– der höit öis uf öisem Wäg begleitet ond öis das Vertraue geschänkt, dä Troum z’verwörkleche.

D’Guetschiine für d’Belohnige döi mer gli per Mail verschecke.

Mer fröie öis riesig druf, öich bald persönli im AtelierS in Olte z’begrüsse.

Liebi Grüess ond DANKE - Susi & Nicole

Unglaublich schön ds gseh, wievil Lüt üs us de verschiedenste Ort i dr Schwiiz und Usland unterstütze! Mir hei so wahnsinnig Fröid, und es git üs Power für dä gross Bärg wo no mues erledigt si und das isch, weme s AtelierS scho kennt, nid wenig. Zwöi Tag blibe üs no üses Zyl ds erreiche - das schaffe mir! Vilicht mit öichere Hilf - verzellet’s und teilets wiiter! Danke vöu, vöu Mou! Susi und Nicole

Alte Möbel mit Gschicht verdiene öise Respäkt ond si eifach einzigartig! I däm alte Chochibüffet höi mer no uralti Mönze för ne Liter Milch ir Milchgnosseschaft gfonde. Do loufts öis eifach chalt dr Rögge ab ond mer send stolz druf, dass das Chochibüffet bald es Härzstöck vo öisem Lade darf si.

Unschöni und stinkigi Überraschig im Ladechäller. Es uraltes Abwasserrohr het e Riss und het de Bode vom ehemalige Oeltankchäller mit Wasser gfüllt. Umso meh fröit üs, das mir mit öichere Unterstützig bereits 25% vo üsem Zyl erreicht hei. Danke, danke, danke! Ihr sit üsi Ufsteller! Hälfet üs wiiter i däm ihr üses Crowdfunding wiiter teilet und uf üs ufmerksam machet!

Hüt isch üses «Härzstück» im Lade igeweiht worde - üse 3 m Tisch usere ehemalige Metallwärchstatt! Im März ersteigeret will är so gross und cool isch für «wenn mir de mou e Lade hei» Jetz hei mir e Lade, zwar no läär, aber perfekt für’d Geburifiir vo de Nichte. Entstande si wunderbar bunti Cupcakes und Etageren us alte Täller.🥰 Üse Lade - e Ort für Kreativität und für Jung und Alt!

Weder zrogg ir Schwiiz esches hött diräkt is Ladelokal zom Auto usruume ond Bode verlegge gange. Mer hei ghofft dass es do chli weniger heiss esch wie in Südfrankriich; höi aber bir Arbeit uf allne vierne fascht soviel gschwetzt wie ar Brocante:))

En Blick uf Spändebarometer het öis denn de notwändige Schub gäh zom wiitermache ond dorehalte - DANKE öich allne do derför - einfach bombastisch!!!

S’erschte Update vor Susi & Nicole