Album
Ich wett es Album kreiere ond werde alles Gäld wo do ine chonnt ed produktion stecke. Das heisst, Beats, Mix/Master, Musig Videos ond wenn no öppis öbrig bliibt ou es paar Vinyl Platte woni denn eini säuber bhalte ;)
Thema psychische Gesundheit
Ich thematisiere e mine Lieder meischtens psychischi Problem. I be sälber e Therapie ond e dem Album werd das Thema secher ou Houptbestandteil sii. S wörd mi freue wennd mou inelosisch :)
Projektbeginn
Das Johr werdi no es paar singles veröffentleche wo scho ufgnoh send. Die händ aber nüt met em Projekt z tue. S Album werd nöchscht Johr agfange ond je nach dem wie kreativ i denn be früehner oder spöter veröffentlecht. Infos dezue werds of Instagram gäh. Username: lu.k.sius
Zom Thema Belohnungen: Fendi primär ned so cool. Niemer söu do öppis spände wenn me öppis anders als mis Endergäbnis wett onterstötze :) i ha eifach ei Bolohnig inegstellt wöus eini bruucht, esch so vorgäh. Wenn öpper en Vinyl wett, cha me sech gärn be mer mälde. I muess de eh luege dassi möglechscht en chliini Mängi, för en möglechscht guete Priis cha lo presse. I werde det met Firme persönlech Kontakt ufnäh zom luege was omsetzbar esch. Also nor spände wenn euch d Musig zueseit oder der mi eifach wänd be minere Liideschaft onterstötze <3
Aber natürlech wärde die Vinyls ou wörkli reserviert falls öpper 100CHF spändet.