Üsers Spel öbers Liachatasto isch fertig! Met 300 Begreff öber Liachtastoner Eigaheita, Persönlichkeita, Sähenswördigkeita oder Dialäktwörter isches an einzigartigs und sackstarks Kartaspel.

CHF 6’124

122% di CHF 5’000

"122 %"
Come funzionaä

Vale il principio del «Tutto o Niente»: la somma raccolta verrà corrisposta al progetto, solo se esso avrà raggiunto o superato l’obiettivo di finanziamento.

100 sostenitori

Concluso con successo il 29.10.2021

Um was goht's?

OBACHT! isch a Kartarotespel öbers Liachtasto. Zwo Gruppa treten gäga anand ah und versuachen möglichst viel Karta z’ gwinna.

Es git viar verschidene Arta vo Karta:

Binra Erklärkarta muass ma dr Begreff wo döt stoht am eigena Team erklära ohne die verbotena vier Wörter oder n Teil vom Begriff z benutza.

Wenn eppert a Themarundi zücht, denn goht’s drum möglichscht viel Begriff zumna definiarta Thema (z.B. Liachtastoner Alpa) ufzzella.

D Spezialkarta wo jewils anra Gmond zuagordnet sin lockren s Ganze kle uf. So krüagt ma met anra Baalzner Karta kle meh Zit oder kann zum Beispiel met anra Muurer Karta am andra Team a Karta stähla.

Es sei denn, s gegnerisch Team leht iahres Vetorächt ih ….

Met da vielna Liachtastoner Begreff und Eigaheita kon sogär alt-igsässene Ur-Liachtastoner no is schwetza. Probiarens us und lohn Eu öberrascha!

För wer isch s'Spel geignet?

OBACHT! isch a Spel för Jung, Alt, Ober-, Unterländer und Fründa us da Nochbuurländer. Als Gsellschaftsspel isches grundsätzlich för alli geignet wo gärn spelen. Wär schwätza ka, ka metdua. S’ Spel isch i verschiedena Liachtastoner Dialäkt ghalta. Es isch a Gruppaspel und loht sich drum oh guat vo lüt spela wo üsra Dialäkt no ned so guat vrstohn.

Drum söttender OBACHT! unterstütza

Miar hon s Spel met viel Leidaschaft und Frööd entwicklet. OBACHT! steckt voller Kultur, Natur, Kreativität und Humor. I dr Entwicklig vo däm einzigartiga Spel hommer üsri Begeischtrig för Gsellschaftsspel und üsers Land vereina könna und möchten met däm Crowdfunding üsers Spel öbers Liachtasto unter d Lüt bringa.

Bi dr Entwicklig isch üs ganz bsundrigs am Härza glega, dass mer s Spel möglichscht lokal entwicklen und produzieren. An Teil vom Erlös goht ad Textrina Werkstätta vom HPZ in Schaan förd Herstellig vo da wunderschöna Säckle und Kordla als Verpackig.

Unterstütz üsers Projekt, und helf met dass mer das Projekt verwörklicha kon!