Audio Delict – 1.Album

de audiodelikt

Zurich

Endlich isch es so wiit! Audio Delict het s’1.Album ufgno…mit dinere Unterstüztig chömer euses Werk au allne live und uf CD zeige…als gegzug erwartet dich interessanti und verlockendi Agebot!

CHF 14’965

149% de CHF 10’000

149 %
Comment ça fonctionneä

Le principe du «tout ou rien» s’applique: l’argent ne sera reversé au projet qu’à condition d’avoir atteint ou dépassé l’objectif de financement.

117 contributeur*rices

Clôturé avec succès le 3.12.2015

Euses Projekt

Mir hend jetzt lang und viel dra gschafft bis mr 12 Songs binenand gha hend wo mir so guet finded dass mr es Album demit wend ufneh. Das hemer im Juni entli gmacht und sind bi Dreamshelter 2 Wuche lang go ufneh. Das het Spass gmacht – isch aber au en tüüre Gspass gsi. Und will zumene Album ja no meh ghört als nume t’Ufnahme nämlich z.B. Mixe, Mastere, CD-Cover designe, CD’s Presse, Videoclip, Releasekonzert und und und bruched mir no chli Stutz damit mr eusi CD würki chönd usegeh. Drum sind mir da uf WeMakeIt und würed eus freue wenn Du eus helfe würsch bi eusem letschte Schritt is Ziel.

Mer seit ja es chunt alles zrugg im Lebe… und eus würsch ächt e riiise Freud mache mit Dim Biitrag zu Eusere CD.

Vielä Dank im Vorus!

Wer sind mir?

Mir sind e jungi Band us Stäfa wo ehrliche, handgmachti Songs uf Züridütsch schribt. Eusi abwechsligsriche, igängige Text und Arrangements verleited zum zuelose.

D’Freud a de Musik het eus sechs Fründe 2009 erstmals zeme in en Proberaum bracht. Anfangs simer e gwöhnlichi Cover-Band gsi. Immer meh het sich euse Sound zu unverwechselbare Songs entwickled, wo Gschichte usem Läbe verzelled. Wer no me vo eus wet wüsse oder eus kenne lerne söll anes Konzert cho. Meh Infos gits au uf eusere Homepage.

Wohi flüsst dis Geld?

  • Neus Band-Logo designe 500 CHF
  • Album designe 1000 CHF
  • Album pressen 1500 CHF
  • 2x Video-Clip zur Promotion vom Album 2000 CHF
  • Miete vom Konzertsaal für Plattetaufi 5000 CHF

Bim Videodreh

Im Studio

Live