audiodelikt EP Release 2020

by audiodelikt

Zürich

Nach 2016 released audiodelikt ihri EP 2020. Doch dänn isch Corona cho, abgseiti Gigs = kei Geld zum Songs zrelease. Unterstützed eus, zum au im 2020 wiiteri audiodelikt-Mundart-Songs zliefere.

CHF 4’075

40% of CHF 10’000

"40 %"
This is how it worksä

The «all or nothing» principle applies: The project only receives the funds if the funding target is reached or exceeded.

47 backers

Concluded on 3/10/2020

Um das gahts:

Audiodelikt wet im Jahr 2020 durestarte – Für das hämer härt gschaffed, sind letst Jahr im Studio gsi und händ eus das Jahr voll & ganz am Release verschribe. Dä söll de Zuehörer abem Summer 2020 bis Endi Jahr und drüber mit neue Songs begleite. Zue dem ane hämer das Jahr e Konzertreihe zämegstellt, wo eusi Usgabe fianziere söll. Dänn isch Corona cho.

Wäge Corona sind di meiste vo dä 18 Konzert abgseit worde. Es grosses Loch häts is Budget grisse! Trotzdem simmer gueter Ding, dassmer mit eusne Finanze und euere Unterstützig eusi Plän chönd verwürkliche.

Zuemen Release ghöred nöd nur Songs schriibe und ufneh. Sondern ebä Gschichte schriibe, Musigvideo dreihä, Promotion über Social-Media-Kanäl z’organisiere und Merchandising ufbaue. Alles was im Jahr 2020 für en Release im hütige Musigbusiness ebä dezue ghört. Us dem Grund simmer uf dini Unterstützig agwiise - i Ziite wie jetzt meh dänn je – und säged bereits jetzt Danke!

Eusi Musig...

…und eusi Songs sind Gschichte usem Alltag und beschäftiged sich mit em Erlebtä. So isches möglich d’Alltäglichkeit en Moment z’vergässe. Ufgrund vo de Corona-Krise und de Absage vo de Gigs, isches für eus als Band mega wichtig, die neue Songs under dLüüt zbringe um ide Mundartszene Fuess zfasse. Ganz in audiodelikt manier: «weniger wär meh, aber so wenig willi nie».

Für das bruuched mir dini Unterstützig:

• Promotion vo dä Songs ad Radios und de Mediä (Ziitig)

• Produktion vo vier Videoclips

• Merchandising für dGigs

• Cover Art für dSongs

• Professionelli Bandfotene

Im Gägezuug für dini Unterstützig bechunsch natürlich frischi Musig uf dOhre & vieli tolli Goodies, alli bruuchbar und alli Unikat. Mundart isch nöd wäg vom Fenster, sondern grad voll am Durestarte.

Grosses audiodelikt Danke!