nisl, oder o nid

by nisl

Berne

Mein erstes Solo-Album. Früher als «el nino» gefreestylt, jetzt als «nisl» ein Album geschrieben. Ehrlicher Berner Rap für Menschen, die Hip-Hop lieben!

CHF 6’273

125% of CHF 5’000

"125 %"
This is how it worksä

The «all or nothing» principle applies: The project only receives the funds if the funding target is reached or exceeded.

89 backers

Successfully concluded on 15/5/2014

CD chunnt bis ändi WucheBy nisl, on 29/03/2015

Hallo Zusammen

Aui wo e CD aus «goodie» bsteut hei, bechömese die Wuche. I bi no im Promostress, darum heit dir se nonid im Briefchaschte gha.

Gruess

Nisl

CD isch dä Friti da!By nisl, on 23/03/2015

Hie chaschse vorbsteue:

Exlibris, Chop Records (physischi CD)

iTunes (digitali CD)

A fougende Orte chasch mi Live gseh:

27 März 2015 chasch zwüsche 12 u 13 Uhr näbe feinem Ässe vo De Palma, Meals on Wheels es paar fetti Träcks vom Aubum lose. Ar Gesellschaftsstrasse 36, 3012 Bern vor dr Ballinari-Apotheg.

11 April 2015 spili am Designfestival im Progr in Bärn. Dört gitz 45’ Nisl-Musig. 18 bis 1845 Uhr.

  1. April 2015 touffi mini CD im Gaskessel, Konvex 2 in Bärn. Natürlech mitte Features ufem Aubum, es Medley vo El Nino-Tracks ure After-Party mittem DJ Kermit ade Plattetäuer. Fröie mi Euch ds’gseh!

Nomau, mersi. O dank Dir steit die CD itzde ide Läde (oder im Internet).

Bis gli

Nisl

Ändlech isch's so wit!By nisl, on 21/02/2015

Hallo Zäme

Ab itz isch klar, mis Aubum chunnt am Friti «27. März, 2015» use.

I bi itzde ca. zwöi Jahr lang dranne gsi u chanech säge:

«Es wird super!»

Sobaud dir das Aubum chöit chouffe wirdi mi wider mäude, au die wo e CD aus Goodie hei bsteut bechöme die natürlech de.

Bis gli u mersi nomau für dini Ungerstützig.

Gruess

Nisl

Aubum chunnt ersch ändi März 2015By nisl, on 03/01/2015

Aber das isch kes Problem, da ig witter schaffe u luege das di Schibe so guet wi müglech wird bis am Schluss! Das heisst es git dasmau es seer kuls Gschänkli vom Oschternisl ; )

Auso, hoffe dir sit guet überergrütscht und bis gli

Nisl aka Nino

Falscher Link gewesenBy nisl, on 16/12/2014

Da hab ich doch den Link zum ersten Video angegeben.

Hier der richtige, respektive auch in der letzten Meldung angepasst.

http://youtu.be/ACw8PuZXmCQ

2. Video isch onlineBy nisl, on 16/12/2014

Ha wider mal es Video gmacht:

Ds’zwöite Video vom Aubum wo im 2015 usechunnt isch online unter fougendem Link:

http://youtu.be/ACw8PuZXmCQ

(eifach i Browser «Safari», «Explorer», «Firefox»… kopiere u los geitz…oder dr link bi «youtube.com» igä)

Gfauts dir?

«es mittu»

Beat: Elwont (Boys on Pills)

Mix: Christoph Utzinger

Kamera: Baldy Minder

Schnitt: Nisl

Viu Spass u mersi für ds’Teile (uf Facebook) u Aune wittersäge wos chönnt gfaue.

Gruess u bis baud

nisl

1. Video isch online By nisl, on 04/11/2014

Yep! Nisl für d’Ohre u d’Ouge:

Ds’erschte Video vom Aubum wo im 2015 usechunnt isch online unter fougendem Link:

http://youtu.be/aSUjHeuDRQg

(eifach i Browser «Safari», «Explorer», «Firefox»… kopiere u los geitz…oder dr link bi «youtube.com» igä)

Ziehtnechs ine

«nisl»

Beat: Percy

Drum: Fabian Bürgi

Bass: Tonee Schiavano

Mix: Christoph Utzinger

Kamera: Nisl u Fründinne

Schnitt: Sandro Sabatini

Viu Spass u mersi für ds’Teile u Aune wittersäge wos chönnt gfaue.

nisl

Release-Datum verschobeBy nisl, on 22/09/2014

Guete Morge!

Mis Aubum isch witr am entstah. Leider hett sich aus chli nach hingere verschobe u das heisst es wird 2015 bis dir mini Cd chöit lose.

Bis auerispetischtens im Februar isch das Beibi de dusse!

Goodies heitr ja scho becho (ämu d’shirts) u dr räscht chunnt de.

Gruss u bis baud.

nisl

Shirts si da!By nisl, on 12/07/2014

Shirts usläse

Auso. D’Shirts si da! Itz isch’s a Dir eis usdsläse. first in first serve. Du gsesch aui Shirts ir Slideshow. Es git:

  • bruun mit blauem druck

  • wiis mit bruunem druck

  • grau mit schwarzem druck

  • wiis mit schwarzem druck

für Froue, wi o für Manne.

Fougendi Grössine hani:

Manne: s, m, l, xl

Froue: s, m, l

D’Shirts si ender chli gschnitte.

Bitte per Mail a «oninle@bluewin.ch» bscheid gä weles u weli Grössi. 1. u 2. Priorität agä bir Farbwau, das nur e bestimmti Mängi pro Grössi hett.

Nomau: First in first serve!

Mersi für d’Ungerstützig u i bi dä Midwuch no di letschte Ufnahme minersits ga mache.

Gruess

Nisl

NiusBy nisl, on 18/06/2014

Hallo

Hie einigi News zum Album:

Dä Sunnti wärde dr Fabian Bürgi (Schlagzüg) u dr Tonee Schiavano (E-Bass) e Teil vo mine Beats (vom Elwont produziert) verfiinere.

D’Chläber si iitroffe!

T-Shirt si designt und bestimmt u wärde im Moment produziert.

Aui andere Goodies gö uf ke fau vergässe u wärde dä samschti plaanet.

Bi aso fou dranne u säge nomau:

mersi

Gruess, nisl

Yeah!By nisl, on 15/05/2014

Vile, vile Dank!

Itz heit dir sogar no me Gäud drigmschmisse ausi ha plaanet. I ha seer fescht Fröid.

Am Diischti hani mi letscht Rap ufgno. Itz wärde de no Musiker über paar Beats spile (fabian bürgi, drums u tonee schiavano am bass). So das di Schibe de när cha gmixt, gmasteret u presst wärde!

D’Goodies si ir Produktion u sobaud fertig wirdi nech schribe, oder es git es Päckli per Poscht. Spetischtens im Herbscht hesch dini Sache, wüeu denn wird ds’Aubum erschiine.

Auso bis baud u nomau: Seer viu Mersis!

Dir sit die Beschte!By nisl, on 30/04/2014

Mersi für ds’Vertroue i mis Projekt!

Dä Samschti am 1.30 uhr, auso am Sunnti hani es churzes Set mit Lieder vom Aubum im Dachstock, Rithaue in Bärn. Vilich gseh mir üs dört. Piis denn. Nisl

Im Septämber wird die Platte de toufft. Dir ghöret u läset de no vo mir.

Nomau Mersi! No 14 Tag u scho gschafft. Seer schön!

MersiBy nisl, on 17/04/2014

Allen die mein Projekt unterstützen!

Gruss

Nino oder nisl

Danke!By nisl, on 15/04/2014

Für die Unterstützung. Wenn das so weitergeht erreichen wir das Ziel!

Hier kannst Du erstmals Tracks von mir hören:
Am 3. Mai 2014 spiele ich ein exklusiv-Live-Set mit Material von meinem Album an der #Bernerrapnacht im Dachstock (Reitschule). Würde mich freuen Dich dort zu sehen.

Gruss

Nisl