Um das geits:
Was vor füf Jahr mit viu Liideschaft sy Aafang hett gnoh, wett ig o wyterhin gärn chönne mache. Feini Teigware, us usgsuechte schwiizer Bio Zuetate.
Aues vo Hang liebevoll verpackt u mit hiesige, originelle Näme aagschriebe.
I mir Nudelwärchstatt da ratteret’s und knattert’s no. Mi Aatrieb isch, d Fröid vo mine tröie Chundinne u Chunde u im Zämespiel mit dr Natur es guet’s u regional’s Bio Läbensmittel dörfe ds produziere.
Hie wärde schwiizer Bio Teigware produziert 
I mim chlyne Nudelwärchstattlädeli fingsch bis zu 20 Sorte Bio Teigware 
Näbscht mine säubergmachte Bio Teigware bieti o anderi feini Bio Produkt a 
Immer beliebt... Es Znacht uf dr Alp, hiesigi Älpler Maggaroni 
Es git o immer wieder saisonale Kreatione 
...oder lieber Curry oder Chili..oder Beides? 
Bi mir fingsch vieli verschiedeni Gschänkideene mit schwiizer Bio Produkt
Ds Bsundere a mim Projekt:
Natüürlech…Bio Nudle!
Mit 100% Härz&Heimat- Biozertifiziert.
Mini Teigware produziere ig scho sit Aafang a us schwiizer Bio Zuetate. Wiit wäg vo dr Masse, verbii a de industrielle Produkt.
Bi mir chunnt drii, was drufe steit, keni versteckte «E» derfür mit viu «Mhmm» Natürlech, saisonal und regional.
Ob «D Uttiger Welle» oder «D Fründschaftsnudle» mini eigete entwickelte Teigwarekreatione erfröie jedes Härz. Für ne nachhaltige u natüürleche Gnuss.
Landei trifft ohne Ei 
Us usgläsene schwiizer Bio Zuetate 
Für jede Gschmack öppis,bis zu 20 verschiedene Sorte
Für das bruuchi dini Ungerstützig:
Ig wett natürlech gärn, so schnäu wie müglech, mine tröiie Chundinne und Chunde wieder mini regionale Bio Nudle chönne aabiete.
Ig wett wieder chöne nüdele, verpacke, etikettiere, lädele und Mönsche mit mine Teigwarekreatione glücklech mache.
Da derfür bruuchi äbe e nöii Nudelmaschine, e gliichlegi, wie die wo kaputt isch gange.
Leider isch dr finanzielli Schade, dür dä Totalschade vo mire jitzige Maschine z’ gross für mini chlyni Wärchstatt.
Deswäge, versuechi mis Glück uf däm Wäg, d Nudelwärchstatt chönne witer ds betriibe.
Bisch Du mini Rettig?
Hilfsch dumit, dases d’ Nudelwärchstatt no witer darf gäh? Es wär soo schön!
Bi mir isch viu Handarbeit aagseit 
Jedes Zeiche isch Gold wärt, scho jitze es riese grosses Merci a Di!