Update lesenä
Liebi Unterstützer vo Audiodelikt
Mir hend es paar intensivi Wuche hinter eus mit de CD-Planig. Momentan simer am Design vo eusem Booklet dra.
Ca. mitti April werdemer denn eusi CD presse la, dass mir pünktlich uf eusi Plattetaufi das Endprodukt eu chönd zeige und liefere. D Plattetaufi findet am 12. Mai statt, alsor eserviered eu das Datum scho jetzt! Wiiteri Infos dadezue folged. Das sowiit zu eusem Album.
Mir hend eus am Wettbewerb vo de Waldbühni am Gurtefestival agmolde und bruched eui Stimm, dass mir mindistens uf dä 8. Platz chömed und somit e Chance händ…Momentan simmer uf Platz 11 vo 222 Bands, was ja scho mal nöd schlecht isch, aber mir bruched wiiterhin eui Votes. Defür mönder nur de link http://www.waldbuehne.ch/artist/audiodelict wähle, vote und smail woner bechömed bestätige.
Mir danked eu!
Audiodelikt
Update lesenä
Liebi Fründe und Fans vo Audio Delict
Was für en Endspurt. Sagehafti 14’965.- CHF hemer mit eure Unterstützig zeme bracht. Fast 50% meh als mir eus als Ziel gsezt hend. Defür bedankemer eus vo ganzem Herze bi eu!
Jetzt sind mir gforderet eusi Agebot izlöse. Defür hemmer eu es paar Informatione: Eusi CD wird im Frühelig use cho. Gnauer chömer momentan de Termin nöd a ge, da mir no i Verhandlige mit Musik-Labels sind. Was mir aber gnau chönd sege, isch dass mir eusi CD-Taufi am Dunnstig 12. Mai mached. Wichtig das ihr eu de Termin merked!
Bi dene wo Agebot kauft hend wo nöd nur mit de CD-Taufi ztue händ werded mir eus no melde zum alles organisiere. Mir halted eu ufem Laufende und ihr werded als ersts erfahre, wenn euses Album veröffentlicht wird. Falls no Frage uftauched, chönd ihr die a info@audiodelikt.ch schicke.
Mir wünsched eu allne e schöni Wiehnachtsziit und en guete Rutsch is neue Jahr!
Eui Band
Audio Delict
Update lesenä
Mir danked «Swisscom Music Booster» für ihri grosszügigi Spend vo 3000 CHF! Mir sind paff…Die Unterstützig zeigt eus, dass mir ufem guete Weg sind…
Update lesenä
Es riesigs «Danke schön»!!! Zeme mit eu hemer s’Ziel vo 10’000 CHF erreicht und das scho ei Wuche vor em Projektablauf…Mir chömed immer nonig usem Stune! Das Projekt lauft no wiiter bis nechst Wuche. Also, falls öpert no keis Album vorbstellt het, de het jetzt no d’Möglichkeit…
Update lesenä
Mir chömed chum usem Stune! Nach fängs e chli meh als 2 Wuche hemer scho 6085 CHF dank eure Unterstützig gschaft. Defür bedankemer eus! Wie ihr gsend simer au fliessig gsi und hend es Fotoshooting ka…da s’Resultat.
Update lesenä
Wow! Das het igschlage wie e Bombe! Nach einere Wuche hemer dank eu scho 20 % vo eusem Ziel erreicht. Es riesigs MERCI! Wiiter like, wiiter share und wiiter so!